Бичсэн admin 2012 оны 2-р сарын 11, Бямба гариг, 18:12

Хөгжим Бүжгийн Коллежийн байгуулагдсаныхаа 75 жилийн ойг энэ онд тэмдэглэнэ. Ойн арга хэмжээ бүтэн жилийн турш үргэлжлэх бөгөөд 3 дугаар сард Ж.Чулууны нэрэмжит 10 дахь удаагийн конкурс, 11 дүгээр сард Б.Шаравын нэрэмжит конкурсыг зохион байгуулах ба бид гадагшаа явж конкурсуудэд оролцох төдийгүй олон улсын ийм арга хэмжээг эх орондоо зохион байгуулах зорилго тавьсан гэж ХБК-ийн захирал МУГЖ Б.Эрдэнэбат хэллээ.

Б.Шаравын нэрэмжит конкурст оролцох олон улсын дуулаачдад зориулж МУ-ын төрийн шагналт, Ардын жүжигчин Н.Жанцанноровын 24 ари романс, МУ-ын төрийн шагналт, УГЗ Б.Шаравын “Чингис хаан” дуурь болон бусад бүтээлүүдээс Итали хэл дээр орчуулсан байна.

Тус сургууль байгуулагдсанаасаа хойш мэргэжлийн урлагт 8 мянгаад боловсон хүчин бэлтгэж, 30-аад хүн дэлхийн нэртэй театруудад мэргэжлээрээ ажиллаж байгаагийн нэг нь дэлхийн шилдэг 8 балетчны нэг, АНУ-ын “Бостон балет”-ын балетчин, МУГЖ Д.Алтанхуяг ажээ.

Д.Ганаа

Сэтгэгдэл (0)