Бичсэн admin 2012 оны 2-р сарын 10, Баасан гариг, 15:30

Үндэсний Статистикийн Газраас 2012 оны эхний сарын статистикийн дүнг танилцууллаа. Албаны хүний мэдээлж байгаагаар манай улс 2012 оны эхний сард 6015 эх амаржиж 6033 иргэнээр ам бүл нэмжээ. Хэрэглээний үнийн индекс өнгөрсөн жилтэй харьцуулахад 10 хувь, өнгөрсөн сараас 2,8 хувиар өссөн төдийгүй 392 барааны үнэ нэмэгдсэн байна. Хэдийгээр гадаадын 94 оронтой худалдаа хийж байгаа боловч гадаад худалдааны балансын алдагдал өнгөрсөн оноос 82 хувиар нэмэгдсэн ба экспорт импортын харьцаа 1:2 байна.

2011 онд 70 гаруй мянган хүнийг ажлын байраар хангасан боловч одоо 58 мянган хүн бүртгэлтэй байгаа нь өмнөх оноос 51 хувиар өссөнийг хөдөлмөрийн нас руу шилжиж байгаа хүний тоо их, ерөнхий боловсролын болон их дээд сургууль төгсөгчдийн тоо нэмэгдсэн, ажлын байрнаас ажлын байранд шилжсэнтэй холбон тайлбарлаж байна.

Д.Ганаа

Сэтгэгдэл (0)