Манайд хичээллэж байгаа хүмүүс сард 4-6 кг жин хаядаг

Бичсэн admin 2011 оны 9-р сарын 16, Баасан гариг, 16:32

Аливаа улс орны соёл иргэншил үсрэнгүй хөгжлийг дагах сөрөг үр дагаварууд нийгэмд бий болсоор байд аг.Үүний нэг жишээ бол бүх л зүйл нь бэлэнчлэлд баригдсан энэ нийгмийг худацтайгаар бүрхэж байгаа таргалалт юм. Таргалалт нь урьдчилан  сэргийлж болох үхлийн дотор тамхи таталтын дараа ороод байгаа өвчин бөгөөд таргалалтын улмаас зүрх судасны өвчин даралт ихсэх, цус харвах, хоёрдогч хэлбэрийн чихрийн шижин, зарим төрлийн хавдрууд үүсч, хөдөлмөрийн чадвараа эрт алдах цаашилбал цаг бусын үхэлд ч хүргэж болох хүн төрөлхтний сэтгэлийн дарамт болоод байгаа өвчин юм. Орчин үед ер нь дэлхий дахинаа таргалалттай эрчимтэй тэнцэж хөдөлгөөнөөр турах хүсэл сонирхолтой болжээ.Тэр дундаа фитнесээр хичээллэж сайхан бие бялдрыг хичээл зүтгэлээр бий болгодгийг өнөөгийн залуус харуулах болж.Энэ талаар Монголын 1998, 2002, 2004, 2005 оны бодибилдингийн мисс М.Сарангуатай ярилцлаа.

-Таргалалт улам ихсэх боллоо гэж ярьж бичдэг.Үүний шалтгаан нь юунд байна вэ? Тарган хүн тал бүрийн зовлонтой гэдэг?

Таргалалт бол өвчин гэдэг.Энэ маань ихэнхдээ хөдөлгөөний дутагдлаас үүсдэг. Хүн хөгширч үхдэггүй, хөшиж үхдэг гэж ярьдаг шүү дээ. Таргалалт ерөнхийдөө хөдөлгөөний дутагдал, зохисгүй хооллолт, удмын гэх шалтгаантай байдаг. Хүмүүс эрүүл мэндийн боловсрол муу байгаагаас энэ таргалалтанд өртөмтгий байдаг болохоор миний гол баримталдаг зарчим бол үйлчлүүлэгч нартаа хамгийн түрүүнд эрүүл мэндийн боловсролыг ойлгуулахыг хичээдэг.