Бичсэн admin 2011 оны 11-р сарын 07, Даваа гариг, 17:45

Тайланд улсыг нэрвэсэн үерийн гамшгийн улмаас японы “Тоёота” концерн үйлдвэрлэлийн хэмжээгээ бууруулсаар байна. Эд анги хомс, дутагдалтай болсны учир тус концерн 9 улсад үйлдвэрийнхээ үйл ажиллагааг хумихад хүрч байна. Тухайлбал, Япон, АНУ, Канад, Өмнөд Африкийн бүгд найрамдах улс, Индонези, Филиппин, Вьетнам, Пакистан, Малайзд байдаг “Тоёота”-гийн автомашин угсралтын заводууд үйлдвэрлэлээ түр хугацаагаар цомхотгохоор болсон байна. Энэ цомхотгосон ажлын хуваарьтаа ирэх 7 хоногоос орохоор төлөвлөжээ. Энэ хуваариа хэзээ цуцалж, хэвийн ажлын горимдоо эргэж орох, бас үйлдвэрлэлээ хэр хэмжээгээр бууруулах зэргээ мэдээлээгүй байна. Тайланд улсад энэ оны 7 сараас хойш үргэлжилж байгаа их үерийн улмаас энд байрлалтай асар олон аж үйлдвэрийн цогцолборын ажилд саад учирч байгаагийн дотор японы Хонда, Ниссан, Мицубиши автоконцернүүд бас байгаа юм.

Л.Пүрэв

Сэтгэгдэл (0)